जनता समाजवादी पार्टी, नेपाल (जसपा)का अध्यक्ष उपेन्द्र यादवका छोरा अमरेन्द्र यादवले स्थानीय तह निर्वाचनअन्तर्गत उपमेयर पदमा लज्जास्पद हार ब्यहोरेका छन्
काठमाडौं । जनता समाजवादी पार्टी, नेपाल (जसपा)का अध्यक्ष उपेन्द्र यादवका छोरा अमरेन्द्र यादवले स्थानीय तह निर्वाचनअन्तर्गत उपमेयर पदमा लज्जास्पद हार ब्यहोरेका छन् ।
गठबन्धनबाट कांग्रेसका नागेस कोइरालाले विराटनगर महानगरपालिकामा भारी मतले मेयर जित्दा गठबन्धनकै उपमेयरमा भिडेका उपेन्द्रका छोरा नराम्रोसँग पछारिएका छन् ।
उपेन्द्रले जसपाको भागमा परेको उपमेयरमा काबिल नेता कार्यकर्ता पन्छाएर आफ्नो छोरा च्यापेर पुत्रमोह देखाएपछि नेता कार्यकर्ताले उपेन्द्रको औकात देखाइदिएका छन् ।
चीननिकट उपेन्द्र र उनका छोरालाई पूर्वेली जनताले हारको धुलो चटाएका हुन् ।
शनिबार बिहान निर्वाचन आयोगले सार्वजनिक गरेको अन्तिम नतिजाअनुसार ३४ वर्षीय अमरेन्द्र विराटनगर महानगरपालिकाको उप–मेयरमा पराजित भएका हुन् । अमरेन्द्रले १४२१९ मत पाएका थिए ।
अमरेन्द्रलाई एमालेकी उप–मेयरकी उम्मेदवार ४३ वर्षीया शिल्पा कार्कीले पराजित गरेकी हुन् ।
अध्यक्ष उपेन्द्र यादवले आफ्नो छोरालाई उप–मेयर बनाउने लोभमा परेर उम्मेदवार बनाउँदा मतदाताले नरुचाएर हराइदिएका छन् ।
आफ्नै छोरालाई उपेन्द्रले उम्मेदवार बनाएपछि पार्टीभित्र विरोध भएको थियो ।
विराटनगर महानगरपालिकाको मेयरमा नेपाली कांग्रेसका ४८ वर्षीय नागेश कोइराला ३०१७० मतसहित विजयी भएका छन् ।
कोइरालासँग एमालेका ४५ वर्षीय सागरकुमार थापा २१४५५ मतसहित पराजित भएका छन् ।
कांग्रेसका कोइरालाले एमालेका थापालाई ९७१५ मतको अन्तरले पराजित गरेका हुन् ।
