Online News Portal

पाँच वर्षसम्म जनताको विचमा रहेर काम गरेको छु, विकासप्रेमी जनताले पुन: मलाईनै चुन्नेछन् : प्रदीप यादव

114

वीरगञ्ज, ५ कार्तिक ।

पर्सा क्षेत्र नम्बर १ मा जसपा–एमाले गठबन्धनबाट प्रतिनिधीसभा सदस्यका उम्मेदवार प्रदीप यादवले शनिबार वीरगञ्ज महानगरपालिका वडा नम्बर ३१ का अगुवा नेता कार्यकर्ताहरुसँग चुनावी छलफल गरेका छन् । सोलखपुरमा सांसद् प्रदीप यादवकै संसदीय विकास कोषको रकमबाट निर्मित ऐतिहासिक थारु नाँचघरमा आयोजित छलफल कार्यक्रममा सहभागी जसपाका अगुवा नेता कार्यकर्ता र स्थानीय बुद्धिजीवीहरुले जसपा–एमाले गठबन्धनका उम्मेदवारलाई जिताउन आफुहरु लागि परेको बताए । उनिलहरुले पर्सा-१ का जनताले पनि चुनाव ताका मात्रै गाँउघरमा आउने तर चुनाव जितेर गइसकेपछि फर्केर पनि नआउने नेता भन्दा विकासको काम गर्ने र जनताको साथमा रहने उम्मेदवार यादवलाई यसपालि फेरि मत दिएर जिताउने मनसाय बनाइसकेको पाइएको बताए ।

त्यसका कारण पर्सा-१ मा प्रतिनिधीसभा सदस्यमा यादवको जित सुनिश्चित हुदै गइरहेको उनिहरुको भनाइ थियो । कार्यक्रममा बोल्दै प्रतिनिधीसभा सदस्य उम्मेदवार यादवले विगतको पाँच बर्षको कार्यकालमा आफुले पर्सा क्षेत्र नम्बर १ को विकास र समृद्धिलाई मुलमन्त्र बनाएर कामहरु गरेको बताए । यहि क्षेत्रमा पर्सा मात्र नभइ नेपाललाई नै अन्तराष्ट्रिय स्तरमा चिन्हाउने गरि अन्तराष्ट्रिय स्तरको प्राकृतिक चिडियाखाना निर्माणको काम पनि शुरु गराइसकेकाले जनताले अवश्य मूल्यांकन गर्ने यादवले बताए । यसैबीच वीरगञ्ज महानगरपालिका वडा नम्बर ३१ को भेडीयाहीमा नेपाली कांग्रेस त्यागेर दुई दर्जनभन्दा बढी युवाहरुले जसपा प्रवेश गरेका छन् । नेपाली कांग्रेसका स्थानीय युवा नेता रामनन्द चौधरीको नेतृत्वमा उनीहरुले जसपा प्रवेश गरेका हुन् । नवप्रवेशीहरुलाई यादवले फूलमाला र टिका लगाएर पार्टीमा स्वागत गरेका थिए ।

Leave A Reply

Your email address will not be published.