इस्लामावाद। पाकिस्तानले मटियारी-लाहोर उच्च भोल्टेज प्रसारण लाइनको विकास साझेदारी गर्ने चिनियाँ कम्पनीहरूलाई आफ्नो भुक्तानी दायित्व पूरा गर्न असफल भएको छ। वित्तीय अवस्था निरन्तर कमजोर हुँदै गएकोले इस्लामाबादलाई युक्रेन युद्धका कारण उत्पन्न अवरोधहरूको बीचमा कोष परिचालन गर्न अझ गाह्रो भइरहेको छ।
परियोजनाका चिनियाँ साझेदारहरूले आफ्नो सरकार र इस्लामावादस्थित दूतावासलाई चिन्ता व्यक्त गर्दै सेप्टेम्बर २०२१ देखि फेब्रुअरी २०२२ सम्मको अवधिका लागि इस्लामावादबाट तत्काल रु १२ अर्ब ३५ करोड उपलब्ध गराउन माग गरेका छन्। अहिलेसम्म रु ८ अर्ब ७५ करोड (बिल गरिएको रकमको ४१.४ प्रतिशत) मात्र प्राप्त भएको छ।
प्रमुख चिनियाँ सरकारी स्वामित्वको कम्पनी चाइना इलेक्ट्रिक पावर इक्विपमेन्ट एण्ड टेक्नोलोजी कम्पनी लिमिटेड (सीईटी)/स्टेट ग्रिड कर्पोरेशन अफ चाइना (एसजीसीसी) पाक मटियारी-लाहोर ट्रान्समिसन कम्पनी प्राइवेट लिमिटेडले परियोजनाको विकास र सञ्चालनको लागि जिम्मेवार कम्पनीले पनि इस्लामाबादलाई ६६० किलो भोल्टको विद्युत् प्रसारण सेवा दिएको र उक्त सेवाको भुक्तानी जारी गर्न आग्रह गरेको थियो।
चिनियाँ कम्पनीले डिफल्ट हुनबाट जोगिन अप्रिल १५, २०२२ अघि ७२.२ मिलियन अमेरिकी डलरको साँवा र ब्याज रिलिज गर्न खोजेको छ। चीनले भने सिनोसुर-शुल्क, व्यावसायिक बिमा प्रिमियम, सञ्चालन र मर्मत सम्भार लागत सहित यसको सञ्चालनमा ४४.२ मिलियन अतिरिक्त रकम भुक्तानी गर्न भनेको छ।
चीन-पाकिस्तान इकोनोमिक करिडोर फ्ल्यागशिप परियोजनाका लागि काम गर्ने ऊर्जा कम्पनीहरूले भुक्तानी ढिलाइको सामना गरिरहेका छन्।
एकातिर ऋण भुक्तानीको सामना गरिरहेको पाकिस्तानमा अर्कोतर्फ राजनीतिक अस्थिरता सिर्जना भएको छ। जसले गर्दा चीनले आफ्नो लगानी डुब्न नदिने उपायहरूबारे रणनीति बनाइरहेको पाकिस्तानी सञ्चारमाध्यमहरूले जनाएका छ्न ।
