एजेन्सी – अफगानिस्तानको राजधानी काबुलमा रहेको परराष्ट्र मन्त्रालय बाहिर बुधबार बम विस्फोट भएको छ । यसमा २० जनाको मृत्यु भएको समाचार छ । यद्यपी अफगानिस्तानमा शासन गरिरहेको तालिबानले उक्त विस्फोटमा मारिएकाहरुको बारेमा केही बताएको छैन । विस्फोट हुँदा तालिवान र चिनियाँ अधिकारीहरूबीच बैठक चलिरहेको थियो। समाचार एजेन्सी एएफपीका अनुसार यो आत्मघाती हमला थियो।
काबुल सुरक्षा विभागका प्रवक्ता खालिद जाद्रानले विष्फोटबारे जानकारी दिए तर कति मानिस मारिए भन्ने बताएनन्। रिपोर्टका अनुसार विस्फोट परराष्ट्र मन्त्रालयको प्रवेशद्वारमा भएको थियो ।
डिसेम्बर १२ मा चिनी होटल भनेर चिनिने रेस्टुरेन्ट र गेस्ट हाउसमा आक्रमण भएको थियो। कुल तीन आक्रमणकारीले होटललाई निशाना बनाएका थिए। तीनैजना मारिए । घटनामा दुई विदेशी नागरिक घाइते भएका छन् । मिडिया रिपोर्टहरूले दाबी गरे कि आक्रमणको समयमा होटलमा धेरै चिनियाँ नागरिकहरू उपस्थित थिए। केही फुटेज पनि बाहिर आएका छन् । जसमा होटलको एक भागमा आगलागी देखिएको थियो ।
नयाँ वर्षको अवसरमा सैनिक विमानस्थलमा बम विष्फोट भएको छ ।
यसअघि जनवरी १ मा काबुलको सैन्य विमानस्थलमा विष्फोट भएको थियो । जसमा ८ जना घाइते भएका छन् । गत डिसेम्बर २९ मा पनि अफगानिस्तानको तालुकान प्रान्तमा विष्फोट भएको थियो, जसमा ४ जना घाइते भएका थिए ।
सरकारी कार्यालयका कर्मचारीको डेस्कमुनि राखिएको बम विस्फोट हुँदा विष्फोट भएको समाचारमा जनाइएको छ । डिसेम्बर २६ मा बादशाहखान प्रान्तमा भएको विस्फोटमा एक प्रहरी अधिकारीको मृत्यु भएको थियो ।
भारतीय दूतावास पनि निशानामा परेको छ
अफगानिस्तानस्थित भारतीय दूतावासलाई पनि निशाना बनाएको छ । अगस्ट २०१३ मा जलालाबादको दूतावासमा आक्रमण गर्ने तीन आत्मघाती हमलाकारी मारिए। यसमा अफगान सेनाका केही सैनिकको पनि मृत्यु भएको छ । सो क्रममा अफगानिस्तानका लागि भारतीय राजदूत अमर सिन्हाले मारिएका र घाइतेका आफन्तलाई भेटेर सुरक्षाको आश्वासन दिएका थिए ।
यति मात्रै होइन, घाइतेको सम्पूर्ण उपचार खर्च पनि भारतीय दूतावासले नै बेहोरेको छ । सन् २०१० मा काबुलका दुई गेस्ट हाउसमा भएको आक्रमणमा ६ जना भारतीय मारिएका थिए । जुलाई 2008 मा, कार बम विस्फोटमा ब्रिगेडियर र दुई आईटीबीपी कर्मचारीहरू मारिएका थिए ।
