भारतको केन्द्र शासित क्षेत्र लद्दाखमा विलयको माग गर्दै पाकिस्तानविरुद्ध विरोध प्रदर्शन
एजेन्सी – पाकिस्तान प्रशासित कश्मीर (पीओके) को उत्तरी क्षेत्र गिलगिट बाल्टिस्तानका जनताले केही दिनदेखि भारतको केन्द्र शासित क्षेत्र लद्दाखमा विलयको माग गर्दै पाकिस्तानविरुद्ध विरोध प्रदर्शन गरिरहेका छन् । मुद्रास्फीति, बेरोजगारीबाट त्रसित यस क्षेत्रका जनता पाकिस्तान सरकारको विभेदकारी नीतिबाट दुखी भएर अहिले भारतसँग हात मिलाउन आन्दोलन गरिरहेका छन् । दशकौंदेखि पाकिस्तानका सरकारहरूले उनीहरूमाथि भेदभाव र उनीहरूको भूमिको शोषण गरेको त्यहाका जनताहरूको भनाइ छ।
प्रदर्शनसँग सम्बन्धित धेरै भिडियोहरू सोशल मिडियामा बाहिर आइरहेका छन्, जसमा गिलगिट-बाल्टिस्तान (जीबी) का मानिसहरू ठूलो संख्यामा सडकमा प्रदर्शन गरिरहेका देख्न सकिन्छ। लद्दाखको कारगिल जिल्लाको सक्कर्दु कारगिल सडकलाई पुनः खोल्न जनताको माग छ। लद्दाखमा बसोबास गर्ने बाल्टिस्तानका आफ्ना मानिसहरूलाई उनीहरूसँगै बस्ने अनुमति दिनुपर्ने उनीहरूको माग छ।
विगत केही दिनदेखि जारी रहेको यस आन्दोलनमा जनताले पाकिस्तान सरकारले आफ्नो भूमिमा गरेको अवैध कब्जाको अन्त्य गरी आफ्नो क्षेत्रका प्राकृतिक स्रोतको दोहन बन्द गर्नुपर्ने माग गर्दै आएका छन् । महँगीका कारण गहुँलगायत अत्यावश्यक वस्तु खरिद गर्न नसकेकाले सरकारले अनुदान दिनुपर्ने उनको माग छ ।
पाकिस्तानी सेनाले गिलगिट–बाल्टिस्तानको गरिब क्षेत्रको जमिन र स्रोतमाथि जबर्जस्ती कब्जा गरेको दाबी गर्दै आएको छ । पाकिस्तानी सरकार र जिबीका जनताबीच दशकौंदेखि जमिनको मुद्दा चलिरहेको छ तर २०१५ देखि यो विवाद झन् बढ्दै गएको छ। यो क्षेत्र पीओकेमा भएकाले जग्गा उनीहरुकै भएको स्थानीयको तर्क छ । यसैबीच प्रशासनले कसैलाई नदिइएको जग्गा पाकिस्तान सरकारको रहेको बताएको छ ।
प्रदर्शनमा चीनको भुमिका ?
पाकिस्तानले छिट्टै यस क्षेत्रको माथिल्लो हुनजा उपत्यका गोप्य रूपमा चीनलाई भाडामा दिने भएको छ । यसमार्फत पाकिस्तानले चीन–पाकिस्तान आर्थिक करिडोर परियोजनामा चिनियाँ लगानी बढाएर आफ्नो चिनियाँ ऋण घटाउन चाहन्छ । यो क्षेत्र खनिजमा धेरै धनी छ र चीनले त्यहाँ खानी परियोजना सुरु गर्न सक्छ। यसका कारण पनि जनता निकै आक्रोशित छन् । चीनले उक्त जग्गा कब्जा गर्ने सोचमा रहेकोले जनताले थप आक्रोशित भएका छ्न ।
