Online News Portal

उत्तर कोरियाद्वारा पूर्वीसागरमा ब्यालेस्टिक मिसाइल प्रहार

101

एजेन्सी –  उत्तर कोरियाले आइतबार पूर्वीसागरमा एक अज्ञात ब्यालेस्टिक मिसाइल प्रहार गरेको छ ।

दक्षिण कोरियासँग संयुक्त अभ्यासअघि आणविक शक्तिद्वारा संचालित एक अमेरिकी विमान बाहक सिउल आएको केही दिनपछि उत्तरले ब्यालेस्टिक मिसाइल प्रहार गरेको हो । उत्तर कोरियाले सम्भावित ब्यालेस्टिक मिसाइल प्रक्षेपण गरेको टोकियोको रक्षा मन्त्रालयको जानकारीलाई उदृत गर्दै जापानको तटरक्षकले जनाएको छ ।

जहाजहरूलाई सचेत हुन चेतावनी समेत दिइएको छ । उत्तर कोरियाले प्रक्षेपण गरेको भनिएको मिसाइल जापानको विशेष आर्थिक क्षेत्र भन्दा बाहिर खसेको जापानी सञ्चार माध्यमले जनाएका छन् ।

गत मे महिनामा पदभार ग्रहण गरेका दक्षिण कोरियाका राष्ट्रपति युन सुक–योलले उत्तर कोरियासँगको असफल कुटनीतिपछि संयुक्त राज्य अमेरिकासँग संयुक्त सैन्य अभ्यासलाई अगाडि बढाउने बाचा समेत गर्नुभएकाे थियाे ।

Leave A Reply

Your email address will not be published.