Online News Portal

भारतको कश्मीरका युवाहरु ‘मार्शल आर्ट्स’ तर्फ आकर्षित हुँदै

100

काठमाडौँ- भारतको जम्मु कश्मीरका युवाहरु ‘मार्शल आर्ट्स’ तर्फ आकर्षित हुन थालेका छन् । भारतीय समाचार संस्था आईएएनएसका अनुसार हाल दक्षिण कश्मीरमा ठूलो सङ्ख्यामा युवाहरुले ‘मार्शल आर्ट्स’ को प्रशिक्षण लिइरहेका छन् ।

कश्मीरका युवाहरुले विभिन्न जिल्ला, राज्य एवम् राष्ट्रिय तहमा आयोजना हुने ‘मार्शल आर्ट्स’ प्रतियोगितामा प्रतिस्पर्धा गरी उपाधि पनि जित्दै आएका छन् । कश्मीरको पुलावामा जिल्लाको त्राल क्षेत्रमा ठूलो सङ्ख्यामा युवायुवतीहरुले ‘मार्शल आर्ट्स’ को प्रशिक्षण लिइरहेको आईएएनएसले जनाएको छ ।

त्रासको लुर्वो जागिर जिल्लामा बसोबास गर्दै आएका राष्ट्रिय ‘मार्शल आर्ट्स’ खेलाडी फिरोज अहमद भटले सो क्षेत्रमा प्रशिक्षण केन्द्रको स्थापना गरेका छन् । उनले सञ्चालन गर्दै आएको उक्त प्रशिक्षण केन्द्रमा मात्रै सयौँको सङ्ख्यामा प्रशिक्षार्थीहरुले ‘मार्शल आर्ट्स’ सिक्दै आएका छन् ।

उक्त प्रशिक्षण केन्द्रमा ‘मार्शल आर्ट्स’ सिक्नेमध्ये केहीले राज्य एवम् राष्ट्रिय तहमा उपाधि पनि जितेका छन् । गत डिसेम्बर महिनामा यस प्रशिक्षण केन्द्रमा प्रशिक्षण लिइरहेका ७ जना खेलाडीहरुले राज्य तहको प्रतियोगितामा विभिन्न उमेर समूहमा स्वर्ण पदक जितेका थिए ।

फिरोजका अनुसार उनले सन् २०१७ मा उक्त प्रशिक्षण केन्द्रको स्थापना गरेका हुन् । सुरुमा ६ जना प्रशिक्षार्थीबाट सुरु भएको उक्त प्रशिक्षण केन्द्रमा हाल २५० जनाले ‘मार्शल आर्ट्स’ सिक्दै आएका छन् ।

Leave A Reply

Your email address will not be published.