सरकार ढाल्ने दाउपेचमा लागेको एमालेलाई नैनसिंह महरले गरे काउन्टर, ओलीको धोकालाई कांग्रेसले विर्सिन नसक्ने

नेता महरले भने, ‘एमालेले सत्ताको वरिपरी टिकाइराखेको ठूलो जमात छ । सरकार ढल्ने भन्ने कुरा एमालेबाट आएको होल्ला हो । यसमा सत्यता छैन ।’

उनले भने, ‘न्यूनतम साझा कार्यक्रम जहिलेसम्म उल्लंघन हुँदैन । प्रधानमन्त्री गठबन्धनको स्प्रीटसँग एकाकार भएर हिँड्नु हुन्छ तबसम्म गठबन्धन तोडिने सम्भावना हुँदैन ।’

‘देशलाई जटिल अवस्थाबाट निकास दिने परिस्थितिमा, देशलाई अग्रगमनमा लैजाने सवालमा, एमाले मात्रै होइन की सबै राजनीतिक दल सहकार्य, सदभाव राखेर अगाडि बढ्न चाहन्छौँ’, नेता महरले भनेका छन् ।

‘केही व्यक्ति र मानिसहरूलाई सत्तामा जान पटक पटक रहर जाग्ने कुरा ठूलो होइन । रहर लाग्छ नै’, महरले भने, ‘रहर लाग्दैमा नेपाली कांग्रेसको संगठन, स्प्रीट र गन्तव्यमा भाँजो हाल्ने काम हुन सक्दैन ।’

केन्द्रीय सदस्य महरले कांग्रेसको विशेष महाधिवेशन आवश्यक नरहेको बताएका छन् । उनले कोभिड १९ का कारण १४औँ महाधिवेशनमा धेरै कुरा छलफल हुन नपाएको बताउँदै बरु नीति महाधिवेशन गर्नुपर्ने बताए ।

कांग्रेसका केही नेताहरूले अहिलेको सरकार ढाल्ने भनेर दिएका अभिव्यक्तिहरूको उनले आलोचना गरेका छन् । महरले अस्थिरताको राजनीति गर्न नहुने बताएका छन् । नेपालपाना