नयाँ दिल्ली । संकटको सामना गरिरहेका अफगानिस्तानलाई भारतले ६ टन चिकित्सा सामग्री उपलब्ध गराईको छ ।
भारतले अफगानिस्तानलाई थप ६ टन बराबरको चिकित्सकीय सहायता उपलब्ध गराएको छ । भारतले अफगानिस्तानतर्फ सातौँ चरणको सहायता आपूर्ति गरेको हो ।
सातौँ चरणसम्म आइपुग्दा भारतले हालसम्म २० टन बराबरको सहायता उपलब्ध गराइसकेको भारतीय सञ्चारमाध्यमले जनाएका छन् ।
काबुलस्थित इन्दिरा गान्धी अस्पतालमा अफगानिस्तानलाई सहायता हस्तान्तरण गरिएको भारतीय समाचार संस्था एएनआईले जनाएको छ ।
‘अफगान जनतालाई सहायता प्रदान गर्न संयुक्त राष्ट्रसंघले जारी गरेको अपिललाई मध्यनजर गर्दै भारतले सात चरणमा गरी हालसम्म २० टन सहायता उपलब्ध गराएको छ ।’ भारतीय विदेश मन्त्रालयद्वारा जारी विज्ञप्तिमा उल्लेख छ ।
भारतद्वारा प्रदान सहायतामा अत्यावश्यक औषधि, क्षयरोगविरुद्धको औषधि ५ लाख डोज कोभिड खोप लगायत समेत रहेको भारतीय विदेश मन्त्रालयले जनाएको छ ।
